郭富城任榮譽禁毒專員以創作傳播正能量 盼望全香港再無毒品出現

郭富城（Aaron）呢日以榮譽禁毒專員現身活動，城城喺新一輯禁毒廣告亦有參與創作，務求傳播正能量，令大家抗拒任何誘惑及邪惡力量。

城城好開心同一群年輕嘅朋友合作，加入跳舞及運動元素，向青少年灌輸正向能量，堅持遠離毒品，向壞人講No。城城話會畀阿女睇宣傳片，並向小朋友解釋點解要有正能量。

作為三女之父嘅城城，好著重親子活動教育，佢呼籲所有家長向子女傳遞禁毒概念，又讚一班年輕禁毒大使花咗好多時間喺校園宣揚唔好接觸毒品依托咪酯，更激動咁講希望全香港再冇毒品出現，獲得現場熱烈掌聲。