一年一度嘅香港影視娛樂博覽揭幕，多位嘉賓都有參與啟動禮，不過身為活動大使嘅 黎明 就因為要準備星期日就開始嘅全新個唱而未有現身，不過亦有事先拍攝短片支持。而 古天樂 林建岳 黃百鳴 等電影業人士，就親身參與活動喇。
錢嘉樂 以香港動作特技演員工會代表出席，佢仲指早前宣佈以武師為題材、吸引大批巨星參與演出嘅電影快將開拍，仲希望可以為武師前輩籌款，亦表揚各位為香港電影付出大量血汗嘅無名英雄。
女神 關嘉敏 呢日都有現身，更一身古代武俠打扮，正式係英姿颯颯，其實Carman係為佢擔任女主角嘅短劇宣傳，仲話非常滿意呢個造型唔捨得換衫呀。最近苦練肚皮舞嘅佢又話，為即將來臨嘅比賽加強訓練，不過就因為練習太辛苦，試過跳到喊呀。
