與 單立文 曹查理 及 徐少強 被影迷封為80年代港片「四大渣男」之一嘅 翁世傑（Stuart Ong），8、90年代曾拍過不少電影，不過最為影迷印象深刻嘅，莫過於佢喺《最佳損友》中飾演劉德華嘅奸詐哥哥徐定富，同埋喺電影《滿清禁宮奇案》中吞烏蠅嘅一幕。
翁世傑喺97年低調移民到美國，並以「Stuart Ong」之名成為首批成功進軍荷里活嘅香港演員，佢曾參演《紐約風雲》、《新鐵金剛之不日殺機》、《蝙蝠俠—俠影之謎》等大製作。
08年告別幕前後，翁世傑成為一位爬蟲及昆蟲繁殖專家，並低調回流返港，已考取政府證書嘅翁世傑，現於「大自然兩棲及爬蟲教室」教育及宣傳如何照顧另類寵物，增加市民對爬蟲寵物嘅關注，唔少見過翁世傑本人嘅網民，都讚佢真係相當斯文有禮，與戲中嘅惡人形象完全相反。
