旅遊達人梁芷珮嘅「潮什麼」系列旅遊節目一直備受觀眾喜愛，Christy亦同老公幾乎走遍半個地球，為大家解鎖唔少新奇好玩地方！
myTV SUPER睇「潮什麼」系列-旅遊好去處
最近Christy就再度解鎖新成就，就係深入神秘嘅亞馬遜。Christy喺社交平台分享佢同老公到訪原住民部落，又入鄉隨俗體驗彩繪，以及享用豐富大餐嘅精彩點滴。畫上臉部彩繪嘅Christy更興奮同動物合照，睇相都感受到佢嘅開心。
不過開心還開心，Christy話亞馬遜環境真係好多昆蟲，但佢可以接受：「係，呢度係多昆蟲嘅，但接受到嘅，話曬入咗佢哋嘅地方，就要接受佢哋，今日又熱，所以都唔理啦!噴好晒蚊怕水，着背心出發」。
