戴祖儀獲小鮮肉送生日祝福 事業忙碌充實冇時間諗拍拖

3月22號係戴祖儀31歲生日，呢日佢同區永權、周世韜師傅拍攝節目《轟炸味蕾的廚房》時，就收到大家為佢準備嘅生日驚喜，令Joey笑唔停口，仲大讚大家有進步！皆因有李顯曜呢位小鮮肉送蛋糕同祝福，祝Joey打牌可以食糊自摸，令壽星女相當滿意，但佢就略嫌小鮮肉著得太多衫，令大家笑唔停口。

Joey嘅生日願望就係希望人人都有加人工、節目收視節節上升，最令大家關心嘅都係佢嘅感情狀態。不過Joey就話自己唔急脫單，因為工作好充實，完全冇時間諗拍拖。Joey仲話同佢拍拖都幾辛苦，會見佢唔到，令對方牽腸掛肚呀。

Joey呢位廚房新手今次跟住周師父、區爸喺節目都學到唔少嘢，周師父都讚Joey好有慧根，亦問咗唔少有價值問題，可以正式收佢為徒。