張曦雯（Kelly）喺TVB熱播劇《臥底嬌娃》表現搶鏡，日前與馬貫東激吻一幕掀網民熱議，浪漫畫面背後動機就係想陳瀅死心。
陳瀅接受TVB娛樂新聞台訪問時，呻被最好嘅朋友背叛，見到最鍾意嘅人錫閨密，頓時覺得好心痛，問到想阿東同Kelly點到即止定係激烈啲？陳瀅即由難過嘅表情，鬼馬露出笑容，話叫佢哋錫得激烈啲呀！
阿東同Kelly笑言配合導演指示唔享受亦唔抗拒，成套劇最難做就係呢一幕，Kelly就話錫阿東難啲，摑佢一巴就好自然，阿東有幸跟女神Kelly拍錫戲，事前做足準備食多啲濃味嘢食，仲話心情緊張。Kelly話拍呢場戲前，佢哋已拍咗全日打戲拍到周身汗，好啱呢場戲嘅情緒，大家互相嫌棄。
陳瀅當日拍埋呢場戲就正式煞科，覺得有啲唔捨得，陳瀅收工最快啲敷冰，原來佢早上同阿東對打戲搞到周身瘀晒呀！