佘詩曼主演嘅新劇《正義女神》，將於3月30號晚喺TVB翡翠台開播。阿佘劇中飾演高等法院暫委法官言惠知，特別喺TVB開播前，感謝好姊妹文頌嫻為劇集打頭陣。
言官阿佘指一部戲嘅開頭有幾重要，相信大家都知道。因為好嘅開場、節奏快、人物性格鮮明都好重要，佢認為最重要嘅當然係故事內容夠緊湊同夠吸引力。
阿佘指除此之外，好演員係不能缺少一環，而今次可以邀請自己嘅閨蜜文小姐幫忙，演繹動人嘅開場，的確唔容易。劇集首集，文頌嫻飾演兩孩之母嘅蘇麗慈，親眼目睹6歲兒子被人撞落樓身亡 ，因蘇麗慈不幸遭遇，引發言官揭發出案情背後複雜，言官完案後不惜放棄前途，主動向高等法院申請降職，轉任少年法庭裁判官，改變言官嘅法律界之路。
