TVB藝人 張寶兒、洪永城Tony、林正峰、莊子璇Hilary 等呢日現身TVB x Maketing Pulse 2026，為近期成立嘅TVB藝人創作者網絡宣傳，將會透過TVB藝員人氣同影響力，延伸至更多元化嘅跨媒體平台拓展商機。
洪永城同陳浚霆Andrew等亦有分享佢哋平日最鍾意Post啲咩喺社交平台，Tony笑言佢嘅日常分享係點樣被老婆虐待以及做小朋友嘅奴隸，自己嘅人設係寵妻狂魔。近日Tony喺社交平台展示被愛女拒絕拖手嘅畫面，佢解釋係咩原因，仲話預咗未來幾十年被女兒冷待。
而陳浚霆就指經常會Post一啲《愛‧回家》大家庭嘅事，知道公司有好多節目，需要客戶，即使佢哋個節目受惠唔到都可以推介其他藝人，被笑指為大家謀福利係因為自身已經賺夠，佢就解釋呢啲只係塵世間對佢嘅誤解。
Bowie老公袁偉豪近日留喺大馬工作，相隔成個月先返港同屋企人見面，大仔袁咕碌呢段時間好掛住爸爸，父子重逢時令Bowie好大感受，見證住一種好微妙嘅情感，令作為父母嘅佢哋知道個仔會掛住，只係唔識表達。
胡敏芝Karen 早前參加真人騷節目《魔音女團》面試，被節目班主任陳奐仁Hanjin點評走音最勁，令Karen驚訝兼難以置信。 
