方皓玟 原定今晚於觀塘海濱舉行嘅演唱會，因為失聲而決定取消，小明於社交平台向觀眾致歉，亦提醒觀眾留意主辦單位嘅退票安排。佢星期五於社交平台公佈決定，指自己狀態不穩而無奈需要取消演出，佢寫道：
對唔住，這個消息我都好唔想同大家講。
原定聽日觀塘海濱同大家見面，但因為身體狀況突然出現問題，聲帶失聲，狀態很不穩定，對於自己的專業我是很堅持，所以要作出這個決定實在很困難。醫生建議我一定要即時休息，呢場演出要取消。
呢段時間一直都好期待，亦準備咗好多想同大家分享嘅嘢。對我嚟講，呢個唔只係一場show，而係一次好重要嘅見面。所以作出呢個決定，真係好唔容易。
最唔好意思係影響到已經準備嚟睇嘅你哋，多謝你哋一直以嚟嘅支持同體諒。
等我休息好，我一定會再用最好嘅狀態同你哋見面。
多謝你哋等我 🤍等主辦通知，交代詳細退票安排。
而主辦單位 本地舞台 亦發聲明，指方皓玟患上嚴重感冒，經醫生建議目前身體狀況並不適合進行演出，為保障演出質素及歌手健康，經審慎考慮後，決定取消演唱會。
對於因取消演出而為各位觀眾帶來之不便，我們深表歉意，並衷心感謝大家一直以來的支持與體諒。
已購票之觀眾，請於14天內留意票務平台Offgrid 發出的電郵信件安排退票事宜。�如對票務或退款有任何查詢，請電郵至 help@theacemeta.com 。