曾參演知名電影《猛龍過江》，於羅馬鬥獸場與 李小龍 對打成為一代經典嘅美國空手道高手 羅禮士 (Carlos Ray "Chuck" Norris)，於夏威夷因急病被送院，可惜搶救無效離世，家人於其社交平台宣告噩耗，指羅禮士安詳離去，家人都陪伴在側，享年86歲。
羅禮士曾為美國空軍憲兵，精通空手道、巴西柔術、跆拳道等武術，更曾為空手道世界冠軍，佢參與比賽時認識 李小龍 ，其後兩人一齊操練，更參演由對方執導；早已為為經典作嘅《猛龍過江》，扮演Colt一角，兩人於羅馬鬥獸場過招一幕更成為無數朋友心中嘅經典場面。
羅禮士後來參與無數電影演出，好似《殺出火地獄》、《突襲貝魯特》等，其後亦於《轟天猛將2》與另一動作巨星 史泰龍 合作﹐佢亦身為導演同編劇，亦係作者與專欄作家。雖然已年屆古稀，不過直至近年佢仍有參與演出同主持工作。
