修哥胡楓、謝雪心、鄭俊弘及陸詩韻呢日出席一個慈善盆菜嘉年華，修哥喺6月即將舉行紅館演唱會，呢晚喺上台預演獻唱助興，與觀眾互動打成一片，講到黎明（Leon）就嚟開騷，修哥話必定捧契仔場，被問會唔會契仔唱兩嘴，修哥就話Leon一個人可以擔大旗。
鄭俊弘與何雁詩早前趁着假期帶同患有「天使綜合症」嘅3歲兒子Asher去旅遊，Asher搭飛機興奮拍凳被公審，幸好事件未有影響一家人外遊嘅心情，佢哋日前就同阿仔去越南玩呀！
鄭俊弘話阿仔好鍾意玩水，所以佢哋專登揀暖啲有泳池及沙灘嘅地方，等阿仔開心吓，佢仲話阿仔好鍾意食越南粉，佢哋差唔多日日食添！