熱播劇《臥底嬌娃》步入結局篇，故事亦越見緊張，日前一集 陳瀅 駕駛電單車飛馳一幕非常有型，不過其實當日現場氣溫高達41度，戴住頭盔又著防彈背心，真係睇見都熱呀。
myTV SUPER重溫《臥底嬌娃》精彩內容
Jeannie就指多謝特技師傅指導，最後安全完成拍攝，而呢場捉拿 關禮傑 嘅大場面，Yuki就可以話最舒服，只係負責喺指揮車擔心大家，難怪佢講起都有啲唔好意思喇。不過一停機，Yuki同Jeannie呢一對就Sweet到有如小情侶一樣，仲自爆不經意錫錫，Yuki仲爆出自己集郵女拍檔嘅癖好，搞到Jeannie非常擔心，連 馬貫東 都擔心佢哋會撻著呀。
《臥底嬌娃》逢星期一至五 20:30 翡翠台