章子怡、唐嫣、張若昀、韓國女團i-dle成員宋雨琦、李昀銳呢日現身北京一個品牌活動。子怡以一身雍容華貴禮服現身，不過亦係呢個造型，令佢被網民指面圓圓，疑似發福唔少。
雨琦所屬嘅女團i-dle忙於開世界巡迴演唱會，台北場先完結冇耐，好快又要去到曼谷開Show。雨琦都叫大家有機會要支持一下i-dle嘅巡演，因為非常好玩！佢亦祝大家身體健康，今年一切順利。
唐嫣不時被指疑似同老公羅晉感情有變，近日就有傳聞話佢已經辦理好離婚手續。不過唐嫣喺活動上狀態大好，睇嚟未被是非影響。唐嫣更分享呢日嘅珠寶配搭，同埋叫大家期待佢拍攝中嘅新劇《此刻的生活》。
李昀銳貴為新晉人氣男神，一出場粉絲就叫到拆天。小林大讚活動地點好有藝術感，亦透露最近忙於拍劇，好快有新作同大家見面。