林志玲自從做咗媽媽後，就大幅減少幕前工作，近年出席嘅公開活動都係以慈善為主，呢日佢就現身一個品牌慈善義賣會。
志玲姐姐話自己每日都沉浸於開心嘅感受，佢話要尋找生活嘅小點滴，而佢只要見到自己嘅囝囝，跑過嚟講：「媽媽，I Love You」，佢就會覺得好開心好幸福。
講到做咗媽媽後嘅轉變，志玲姐姐指選擇嘅服飾一定要以舒適、耐髒、方便活動為主，佢話以前自己曾經好鍾意lace服裝，就好似呢日佢身上嘅呢套lace洋裝咁，不過佢話呢幾年都已經將呢啲服裝塵封喺家中某一個角落，直到最近有一啲工作先再將佢哋拎出嚟。
呢日活動由Lulu黃路梓茵擔任主持，佢自爆喺學生時期曾自稱係小林志玲，而真・林志玲就分享以前Lulu老公陳漢典曾扮成自己嘅經歷，志玲仲讚陳漢典扮得維妙維肖，不過Lulu就話要為此而代老公向志玲姐姐鄭重道歉喇。
