方力申 嘅太太 葉萱 年前公開曾遭韓國邪教恐怖對待，雖然近年已重投正常生活，亦結婚誕女，不過身為老公嘅小方就直指，認為老婆難以完全釋懷，只能靠時間慢慢沖淡傷痕，不過相比當時Maple心情已開朗得多。
小方認為自己嘅藝人身份，當時拍拖亦難以令對方有足夠安全感。佢指太太有意投入工作，因為親友都認為女士應財政獨立，不過小方就覺得應以有興趣發展嘅方向作出發點喇。
雖然有人指女士工作成績同男士相比有過之而無不及，而令夫婦磨擦增加，不過小方就大方指自己毫不介意，更笑言唔介意食軟飯，不過講到尾都係「Happy Wife, Happy Life」，老婆開心至緊要。
《一周星星》逢星期日 22:00 翡翠台