關智斌近年變身肌肉型男，唔止為演唱會操肌，平日都好熱衷健身，仲好積極參與HYROX健身競賽，近日佢又飛到曼谷比賽，亦係佢第一次參加男子單人公開賽，所以佢好興奮宣布「在曼谷…我獨自升級。」
Kenny呢兩年開始參與HYROX健身競賽，佢同搭檔楊天宇上年七月先參加HYROX香港站雙人賽，今年三月初再出戰台北站雙人賽，事隔半個月，Kenny又單人匹馬飛到曼谷比賽，仲要係第一次出戰單人賽，最後以1小時32分20秒嘅成績順利完賽。
HYROX係一項結合8公里跑步同8個功能性訓練站嘅國際體適能競賽，每1公里跑步後緊接1個功能性動作，包括滑雪機、推雪橇、拉雪橇、波比跳遠、划船機、農路走路、沙袋弓箭步以及下牆球，考驗心肺耐力與力量，齋睇相都feel到有幾高難度，Kenny可以順利完賽絕對唔簡單，唔怪得佢會以「What the hell」來形容自己嘅參賽心情，而容祖兒、阿Sa等好朋友紛紛留言大讚Kenny好勁呀！
