甄子丹 同 張天賦 喺馬場現身，見到呢個組合就覺得熟口熟面，兩人之前曾經喺電影上合作，呢日重逢時MC都要學丹爺擺返個型格甫士迎合吓最強前輩，丹爺更大讚MC係新晉年輕人中既靚仔又積極，希望再有機會合作。
甄子丹最近為自導自演嘅新戲喺歐洲籌備得如火如荼，今次佢仲成功游說團隊嚟香港取景，宣揚魅力之都，早兩星期又親自引領團隊實地睇景，當然唔少得一盡地主之誼，帶佢哋去香港唔同景點見識同開餐，包括石澳、蘭桂芳、飲茶等體會港式文化。
MC成日都話積極瘦身，但望落佢個身形又真係冇咩大變化，不過佢就堅稱自己冇偷懶，感覺到身體狀態機能比以前好，笑言雖然未有肌肉，但配合飲食就會慢慢增長，而且近日經常練習斜面迎人，落塊面會瘦好多，期待有朝一日會零死角出現。
