前港姐 關伊彤 2011年同來港發展嘅台灣演員 林紹奎 結婚，二人婚後育有兩女一子，家庭生活幸福美滿。不過日前關伊彤就突然喺社交平台出Post大吐苦水，表示：「有些人以為，感情結束是因為不愛了。但其實很多時候，不是不愛了。只是累了。」加上喺近年佢分享嘅生活照中已經好少有林紹奎嘅身影出現，就連去年囝囝幼稚園畢業，佢都只係貼出與3名仔女嘅合照，老公完冇人影，所以呢篇文一出隨即引起外界對佢婚姻嘅關注。
3月24號凌晨，關伊彤喺社交平台正式發文，承認已經離婚：「多謝近日各位傳媒對我的關注和愛護，我可以公開話比大家聽，我確實跟我先生已經離咗婚，不過我地仍然是一世的親人，我地依然會好愛我地嘅小朋友，多謝各位的關心。」面對網民嘅關心同祝福，佢就以「I am so so so good, no worry」作為回應。
