視帝黃宗澤生活貼地充實，不時會喺社交平台分享煮食Vlog等生活點滴。早前佢就同劇集《風華背後》嘅演員們聚餐聯絡感情，亦為備戰馬拉松賽事積極投入健身訓練。
Bosco近日喺社交平台上分享自己往健身房鍛鍊嘅情況，不過就並非Show身材，而係由教練協助拉筋時嘅痛苦「零偶包黑圖」，Bosco仲好幽默咁叫大家幫佢P圖：「教練一出手，我已經失去表情管理能力！麻煩有無人可以幫我P番個好少少嘅樣畀我！」
大批網民熱情響應Bosco嘅P圖要求，發揮無限創意。有人「貼心」為佢P上一隻大雞脾，話係「奬勵」辛苦健身嘅Bosco，亦有人幫佢P上佢喺《新聞女王2》嘅角色Kingston嘅飲奶嘅表情包，成個留言區都充滿搞笑P圖。
