經過月初面試之後，TVB全新節目《魔音女團》正式公布入圍嘅16位練習生名單，當中包括喬美莎 李尹嫣 穎喬 俞可程 邢慧敏 倪嘉雯 宋宛穎 倪樂琳 莊子璇 鄧凱文 王汛文 廖慧儀 蔡華英 陳熙蕊 葉靖儀 同 盧映彤，三位港姐冠軍人馬同三位《聲秀》學員一齊入選，非常吸引。
佢哋將會接受 陳潔靈 同 陳奐仁 兩位班主任嘅歌唱指導，仲有韓國知名娛樂公司嘅訓練，將各位靚女蛻變成真正女團，呢日大家仲為節目主持 蕭正楠 同 葉靖儀 慶祝生日，而女團「校董」 鄔友正 同太太 翁嘉穗 亦有現身，仲分享佢認為成為女團同做生意嘅必備要素與共通點。
早前曾參加《中年好聲音》海選嘅佢，又提到因知道唱歌有助健康而開始學習，所以由氣功轉投歌唱懷抱，會繼續練習《笑看風雲》，更有學唱《忘情水》同《More Than I Can Say》咁話。
班主任Miss Chan Chan同Hanjin繼續認為今次節目係不可能任務，雖然困難，不過一樣會同一眾練習生同步努力，希望大家都會有顯著進步呀。
而一眾入圍有望成為女團成員嘅練習生，就以港姐冠軍組最受注目，仲指受訓期會努力增強自己實力咁話。而Carman呢日入圍就非常驚喜，自認雞仔聲嘅佢話希望有改善，至於壽星女Michelle就話希望於舞蹈方面落手，而俞可程就直言自己仲有大量進步空間，會好好努力呀。
