黎明 一連十場嘅紅館演唱會日前終於開鑼，未開show前每位入場嘅明迷，已率先收到Leon紅蘿蔔手燈，大家都對呢隻紅蘿蔔愛不釋手。Leon解釋之所以大手筆送紅蘿蔔比大家，係因為佢話自己成日收到歌迷送嘅禮物，但大家好似從來都無問過佢想唔想要，所以而家就要比大家感受吓，佢未問過大家而硬要送禮物比大家嘅感覺，Leon嘅幽默即時令全場明迷報以笑聲同掌聲。
而Leon嘅fans同偶像一樣都咁有心思，亦回敬送上紅蘿蔔花籃祝賀Leon Good show。除咗紅蘿蔔夠爆之外，Leon呢次嘅舞台設計，一樣係花盡心思，巨型嘅屏幕，由十幾個唔同大細嘅屏幕組成，令成個視覺效果更立體，加上全場接近200支雷射燈，打造出強化版雷射天幕，為全場觀眾送上難忘嘅視聽盛宴，真係極具震憾﹗
呢次喺Leon入行四十周年演唱會，首首歌對歌迷嚟講都係盛載住滿滿嘅回憶，好似《但願不只是朋友》、《我的親愛》、《長情》等等，都係陪伴明迷一齊成長嘅歌曲，勾起全場回憶殺。
