賴彥妤首次擔演舞台劇女一 演出時遺失道具靠臨場執生

早前參加《魔音女團》面試未能入圍嘅賴彥妤，同時參演舞台劇演出，而今次亦係佢首次擔演女一。故事背景係一間60年老字號茶餐廳，Vivienna挑戰演繹情緒爆發似過山車嘅太子女，不時需要發惡鬧人同爆喊。

公演時，獲一眾圈中好友捧場，Vivienna感激大家支持，佢話喺舞台上都唔少蝦碌時，例如出場之前太激動，打爛道具，又試過唔見咗重要道具要即刻執生，亦試過臨時改咗對白，好彩對手接到波繼續做，佢話執生位好剌激。

為咗能夠更投入角色，Vivienna事前專登拜訪劇中故事發源地，作實地考察，嗰段時間又日日幫襯傳統嘅港式茶餐廳，乘機同店員傾偈，感受嗰份人情味。