香港新生代女團 Honey Punch 出道僅半年，除咗奪得兩個新人獎項外，亦得到唔少客戶青睞，邀請擔任表演嘉賓及廣告代言。最近Honey Punch嘅知名道更延伸至海外，與韓國人氣男團NTX，於中環街市聯手舉辦《OUR MUSIC GATHERING》小型音樂分享會。
音樂會當日，引得逾百粉絲一早到場霸位，迫爆整個場地。音樂會上兩團各自獻唱大熱歌曲，
期間更互相傳授舞技，Honey Punch教 NTX 跳《Butterfly》，而 NTX 則帶Honey Punch挑戰佢哋嘅《ICE LUV》，兩團喺舞台上切磋舞技，令現場粉絲嘅尖叫聲從未停過。
呢次並非 Honey Punch 首次與韓團結緣，之前佢哋同韓國女團 EVERGLOW 合作拍攝跳舞短片，而近期亦獲選參與爆紅動畫《Kpop 獵魔女團》嘅網上卡牌遊戲廣告。
對於喺短時間內得到咁多唔同嘅工作機會，又可以與唔同嘅韓團合作，Honey Punch眾成員均表示相當開心：「但係我哋各隊員都唔會自滿， 我地會繼續做好自己，努力學習進步， 希望有日可以喺世界各地表演我哋Honey Punch嘅歌畀唔同地方粉絲聽。」
