《卧底嬌娃》踏入結局周，一眾演員繼續落力為劇集宣傳。見到粉絲現身支持，大家都趁機落台答謝。嚟到劇集嘅最後一次宣傳， 陳瀅 直認好唔捨得，又自爆追劇追得好投入，除咗渴望 羅毓儀 同 吳子冲 能夠一齊，又戥 張曦雯 分手好痛心。而Yuki突然話覺得 馬貫東 好衰，一吻就傷害咗Kelly同Jeannie兩人，講講下仲眼紅想喊。
Kelly都話拍完套劇，仍然覺得仲有宣傳活動，但宣傳活動都結束，就會好失落。阿東喺劇中錫Kelly一幕成熱話，大家都研究點解會錫人中，當日在場嘅Jeannie就話知道原因，因為係高度問題。阿東就解釋因為Kelly挨後，令佢錫唔到個嘴。
邵美琪 亦歸隊參與宣傳，難得同劇中爹哋媽咪同場，鍾柔美都話勾起拍攝時一家人嘅感覺。嚟到結局周劇情越嚟越緊湊，當中 關禮傑 嘅角色仲會突然離世，Maggie話睇劇本時都覺得好驚訝。傑哥指結局周係Maggie嘅演技大爆發，Maggie就謙虛話功勞係編劇。Yumi都話媽咪Maggie演技好利害，係佢學習對象。
《臥底嬌娃》結局周 星期一至五晚 20:30 翡翠台