TMG新聲組合「 CLS 」 正式成團及推出首支單曲《暴速Boso!》同步發佈MV，歌曲已喺3月18號於各大音樂平台上架。 「 CLS 」成員包括李創偉(Catry)、陳溢光(Louis)與善玥澄(Shinnie)， 喺2026年3月27日舉行發佈記者會，共同見證及分享新曲與 MV 首播。
「 CLS 」 三位看似不相關嘅中聲成員走埋一齊，組成「 CLS 」 Catry、Louis 與 Shinnie。三人命名取其英文字首而成，CLS亦有 Comment、 Like & Share 有趣呼應，更甚可演繹為九唔搭八，盡顯玩味自我嘅新組合。
流行情歌主導嘅市場當中，CLS 帶嚟更具玩味、動漫元素與型格嘅超聲作品，期望為本地樂壇注入新鮮且強烈聲音。 為咗登上「癲」峰，三人仲會拍片分享佢哋瘋狂趣事!
新歌《暴速Boso!》以強烈動漫感與搖滾能量為核心，把「飆車」畫面化為聲音語言。歌曲名稱靈感係由成員Catry提出參考日本 80 至 90 年代「暴走族」文化：「超速是態度，炸裂是日常，不聽誰的指令，只跟自己的節奏暴走，Boso ! 」 由 Catry 作曲、Shinnie 填詞，並邀請資深音樂人江暉擔任編曲與監製，整體編制偏向搖滾風格，節奏強勁、旋律洗腦 。
Catry話由創作到走入錄音室，再喺平台上聽到自己嘅聲音，感覺既奇妙又感動，Shinnie就將想點就點嘅態度寫進歌裡，希望聽眾聽完都可以喚醒心中嗰團火，而Louis覺得佢哋三個性格唔同，但就係有種化學作用，造就咗呢首歌嘅瘋狂與感染力。
