方力申密鑼緊鼓為紅館演唱會做準備，身為愛妻號同好爸爸嘅小方，絕對無冷落令佢「沉船」嘅老婆葉萱同寶貝女Isla，繼早前喺《一周星星》對愛妻讚不絕口，小方又再發功，分享佢日前為太太Maple慶祝生日嘅staycation短片。
《一周星星》星期日晚 22:05 翡翠台
Isla首次staycation，對酒店所有事物非常好奇，小方細心帶住情人參觀房間，父女又喺房中落地玻璃旁嘅浴缸，望住維港美景戲水，小方仲約定情人將來一齊游渡海泳。
壽星女Maple全程負責紀錄老公同囡囡嘅親子時光，之後又同囡囡一齊陪老公去游池及健身室做運動，為演唱會鍛鍊體能。短片尾聲，小方分享同囡囡陪太太吹蠟燭嘅溫馨畫面。
