獨家．臥底嬌娃丨杜燕歌復仇戲慘被真扑頭 反讚馬貫東夠逼真做得好

TVB熱播劇《卧底嬌娃》大結局，馬貫東飾演嘅潘奕風終於搵到殺害佢女友蘇嘉盈嘅真兇，為咗替女友復仇，佢將由杜燕歌飾演嘅真兇權世豪捉上天台懸吊半空。

myTV SUPER重溫《臥底嬌娃》精彩內容

劇組為咗呢幕重頭戲製作認真，除咗吸引對面樓宇街坊遠觀，甚至連街上途人都誤以為有人跳樓報警，更驚動警察同消防員到場了解。

雖然懸吊半空由替身演出，但係燕哥非常專業，尤其喺一幕被阿東扑頭戲份都親身上陣，點知阿東正式拍攝時就錯手扑中燕哥頭部，痛到大叫嘅燕哥並無怨言，反而安慰阿東無問題，仲大讚阿東做得夠逼真，呢種就係演員道德。阿東話當刻見到燕哥繼續畀反應，唔敢縮繼續做，以免再演多一次。