TVB選秀節目《魔音女團》嘅入圍練習生連日展開地獄式集訓，呢日莊子璇（Hilary）、李尹嫣（Victoria）、葉靖儀（Michelle）、陳熙蕊（Blossom）、廖慧儀（Jessica）等一齊練舞，睇落算唔錯！
之不過要跳舞又要顧及表情管理，真係一啲都唔容易，而跳舞前一眾練習生仲要做平板支撐考耐力，搞到Hilary氣來氣喘，完全笑唔出，大呻好攰做女團唔容易。
Michelle、Blossom同Jessica三位睇落好瘦，以玩女團標準嚟計，佢哋自認無論身形又戓體力都未達標，難怪佢哋笑言比選美更大挑戰。三位目前首要係Keep fit同練好體能，應付節目嘅神秘項目，Jessica會傾力應戰。
