鍾嘉欣（Linda）與脊醫老公Jeremy Leung結婚10年，育有兩女一子，回流加拿大生活多年，努力相夫教子，鍾嘉欣最近經常返港工作，呢次同細女Anika回港忙完工作，跟手佢出發去越南一個頂級海濱度假勝地玩餐飽！
嘉欣生活以照顧三名仔女為重心，凡事親力親為，曾講過陪家人嘅時光就係Me Time，由於大女Kelly同阿仔Jared要返學此次未有隨行，嘉欣忙完工作，再同細女喺香港一間酒店主題房Staycation同食下午茶，之後佢哋母女出發去越南旅行。
嘉欣同細女Anika盡情享用度假村設施，揸ATV越野車大騷修長美腿，嘉欣笑稱自己揸得慢，已加速3倍仍比不上另一位遊客嘅揸車速度。嘉欣又踩單車載阿女去playground玩，陪阿女嗰陣即變大細路，童心未泯喺跳入波波池同玩瀡滑梯，同阿女一樣玩得興奮。
嘉欣亦有去泳池玩水，喺社交平台向fans大派福利，身穿紅色連身高衩泳裝，大曬白滑玉背，完全唔似三孩之母呀！
