陳芷菁 近日身體狀況出現問題，喺網上社交平台自揭不幸因淚管閉塞，兩個月內做咗兩次手術，未來仲可能有機會要做第三次，並附上一張手術後，右眼貼上紗布嘅照片，見芷菁一臉倦容，戴上眼鏡遮檔光線保護眼晴。
雖然有啲倦意，但有老公陪在身邊成為芷菁最強大後盾，佢自己都留言感恩每次都有「他」的陪伴照顧，並乘機抒發心聲問大家每天用熱敷係咪有效，又疑惑係咪因為火運而令自己倒霉，大呻淚管閉塞，唔想再做手術，眾多好友留言慰問送祝福。
芷菁近年雖然絕跡幕前演出，但佢都有同陳淑蘭、吳家樂等喺電台開咪主持節目，而且不時會邀請好友分享，大約一星期前先搵嚟老友劉曉彤、方力申傾偈，當時見芷菁仍安然無恙，希望佢儘快康復。
芷菁除咗工作及兼顧家庭外亦相當勤力，多年來不斷自我增值，早前與時並進報讀AI智能職場課程以及Digital marketing，時刻裝備自己，保持競爭力。