雲浩影欲與吳雨霏合作 透露暫擱置操馬甲線因由

雲浩影 呢日出席一個活動，仲即場炮製三文治，不過阿Cloud話平時工作繁忙，都好少時間會下廚，好似嚟緊佢又要忙住準備出碟，仲預告會現場演繹新碟嘅歌曲，呢種形式Cloud都話未曾試過呀。

問到佢有無邊位歌手好想合作？Cloud就話好想同吳雨霏合作，佢仲話呢排都有聽返佢以往嘅歌曲。

除咗專注音樂工作之外，Cloud都好著緊自己嘅身形，早前佢就話要操馬甲線，不過佢話因為通宵拍完新碟封套後就病咗啦，所以拖慢咗佢實行呢個計劃嘅進度呀。