自MIRROR紅館演唱會嚴重意外重傷，事後一直接受復健治療嘅舞者 李啟言 阿Mo，經過1300多日努力後，近日於社交平台公開3年半來相對完整嘅近況，佢公布嘅短片當中，可見佢戴上口罩，以右手操控電動輪椅前行褪後，操作非常流暢。
雖然與過往挺拔身形對比畸顯浮腫，不過阿Mo精神飽滿，眼神亦見笑意。影片亦可見佢年前剛受傷時於喉部開窿嘅舊傷口，佢又以英文寫到話：為咗遠離人群，努力學習駕駛。
雖然距離完全康復仍有冗長過程，不過影片公開後仍令人振奮。而3年多來一直持續公開代禱信，為愛兒情況一直憂心努力嘅父親 李盛林牧師 ，早前曾指自己心血管發現問題，相信亦可略為放下心頭大石，先專注治理身體問題喇。
