小豬早前辭任節目主持，令新近加入嘅 林襄 亦因而受影響停工，呢日林襄出席公開活動時，就回應呢次事件，指與小豬依然保持聯絡，未有因呢次事故而面阻阻。因球季即將開始而啦啦隊工作排到滿嘅佢，又話要日夜排舞非常充實。
早前佢同一眾隊員以啦啦隊成員身份到日本出席世界棒球經典賽，更現身官方嘅影片當中，當地報章亦有刊登佢嘅應援情況，林襄就指自己都嚇一跳，仲將影片同報紙都好好珍藏留念呀。
曾同 沈玉琳 合作節目嘅佢，對老友病癒逐步復出就表現得非常開心，雖因身處外地未能出席復出記者會，不過依然越洋問候打氣，仲希望盡快可以同呢位前輩見面呀。