陳瀅 以低胸裙造型現身活動，吸引大批粉絲到場支持。稍後將同 蔡潔 合體開騷嘅Jeannie，已開始keep好自己狀態，佢話當初答應演出時，曾經一度後悔，擔心自己應付唔到，直至開始排練時心情都非常緊張，到之後開始地獄式訓練後，心情就變成興奮同期待，因為有好多朋友都話會捧場支時。
Jeannie自知唱歌跳舞都唔係自己強項，所以騷前佢都特別加緊訓練，務求有最好表演畀大家見到，佢將會獻唱6首歌，又會有舞蹈演出。
佢喺剛播畢嘅熱播劇《臥底嬌娃》中飾演江妙芝大受觀眾歡迎，講到被 周百思 飾演嘅躁狂表弟騷擾劇情，睇到大家好揪心，Jeannie大讚呢位表弟嘅表現好，又有潛質，唔使佢點幫手入戲，期待將來見到周百恩有更多演出機會。