李靖筠 事隔3年之後最後再推出全新歌曲《最好比我更懶》，近年主力參與網上節目拍攝嘅Gladys，近日應邀參與電台訪問時，就明顯心情雀躍非常興奮，期間應邀參與急口令遊戲時非常投入，不過就因發音繞口而樂極生悲，仲令佢因而見紅，搞到Gladys非常擔心破相呀。
事緣Glady需於鏡頭前唸出一連串急口令，身為歌手又代班過電台主持嘅佢，理應可以從宮過關，不過當時佢就開口𤜯著脷，仲心急到突然彎腰，結果就整個嘴唇人中位置撞落放喺佢面前嘅燈牌喇。
事後Glady上唇受傷流血，邊處理傷口時佢仲一臉尷尬傻笑，仲擔心之後上台表演會影響靚樣，又擔心會留下疤痕破相，幸好最後佢報平安，指傷口大約需時一星期就會復原，叫大家遇見佢唔好特登留意傷口咁話。
