近日夜店興起一股Cantopop熱潮，而去年驚喜擔任 鄭秀文 音樂會嘉賓重踏舞台；闊別樂壇已9年嘅 吳雨霏 ，一段名作《愛是最大權利》被改編播放嘅影片，亦成為網上熱話，唔少歌迷都希望Kary能再次現身舞台。
唱片公司40周年由Kary「打頭陣」，佢嘅演出同作品亦重返公眾視線，將Kary2013年《The Present Concert》於戲院限定一日上映，將以影院級音效重現Kary代表歌曲。
今次唱片公司以吳雨霏「打頭陣」推出精選套裝，除咗包括戲院門票，亦包括 代表作精選版雙CD，以及Cantopop Party通行證。電影放映後憑入場券可參加After Party，現場DJ打碟環節，將Kary經典金曲重新混音編排。
