中聲戰友 李創偉 陳溢光 同 善玥澄 打造新晉組合CLS闖樂壇，三人合作嘅新歌啱啱出爐，唔單只曲風輕快，就連造型都好火熱。尤其係李創偉一身嘅小背心加層層皮帶look，令佢大騷結實嘅胸肌。
佢哋話MV中其中一個造型係暴走族，另一個造型係中山裝，嚟緊大家會好多時見到佢哋以呢個團服造型宣傳。善玥澄話首支派台歌絕非情歌，亦冇商業元素，純粹係佢哋個人喜好，所以觀眾會鍾意，就證明係同佢哋同一個頻道。
相信大家都好奇點解呢個團名會叫CLS，唔理解嘅就聽落覺得有啲粗鄙，但其實真係咁啱得咁橋係用咗三位嘅英文字母姓氏嚟取名，加上現今網絡盛行世代，一啲網絡用詞會更易令人有共鳴。