3月30號係 薛家燕 76歲生日，喺家燕姐生日前一日，一眾電台同事以及曾經喺處境劇《皆大歡喜》飾演佢阿仔嘅 謝天華 為佢送上蛋糕提前慶祝，令家燕姐好驚喜。當在場人士叫天華獻吻時，天華笑言怕家燕姐男朋友呷醋，最後獲家燕姐答允，親吻媽咪面珠。
家燕姐作為大家嘅開心果，連生日願望都心繫世界，佢亦透露未來以健康為主，減慢工作步伐，因為去年差不多每個月都飛幾次，囡囡今年同家燕姐訂下協議，減少接工作，抽多啲時間旅行享受生活。
家燕姐同天華呢對母子檔一重聚就即刻大放笑彈，家燕姐更重提2018年同天華合作嘅爆笑事，當年兩人喺台上大跳拉丁舞，到最後舞姿係天華抱起家燕姐，然後舞台慢慢降落台底，家燕姐笑言當刻不停叫天華頂住，天華都話聽到大家為佢打氣。