2022年施明曾因跌倒而受重傷，需開腦救治並留醫ICU，幸最後無礙，近一年後終可出院。其子李泳漢向傳媒透露，佢指2月初母親因嘔吐物入肺而需插喉，到21號清晨情況轉差而需急救，最後藥石無靈告別塵世。
佢又指母親2024年曾因尿道閉塞而徘徊鬼門關，當時因細菌入血令多個器官衰竭，幸最後康復出院。施明同鼎爺雖已離異，不過仍非常關心對方，可惜年前因母親病情被公開，李泳豪娶妻亦未有邀請母親同泳漢，一家人關係大不如前。鼎爺知道消息後亦大受打擊。
施明1970年代初加入麗的映聲成為第五期藝員訓練班學員，與劉松仁、李影、等屬同班同學，曾效力無綫電視。佢除咗係李家鼎前妻，育有孖仔李泳漢、李泳豪外，唔少藝人好似鄧梓峰、華娃等都係親戚。
