關智斌（Kenny）入行以嚟感情生活神秘，以為佢享受單身，之不過自2021年開始，傳出Kenny身邊出現「高富帥」密友Edwin，早前被傳同遊意大利參加婚禮，近日再被「偵探」上身嘅網民，憑Kenny日常右手戴手錶習慣，同埋手錶款，「鎖定」坐喺Edwin嘅身旁係Kenny，又聲稱Kenny陪Edwin喺泰國慶祝生日，二人坐埋一齊，條片仲聽到蔡卓妍（阿Sa）把聲！
該名網民聲稱Kenny同Edwin前兩年喺日本慶祝，今年就喺泰國玩，又話二人前年新年同情人節嗰排都一齊去泰國，此行Edwin仲喺社交平台寫上「3.28.2026 喜喜喜」，講到似層層咁。
Kenny與Edwin密友關係傳足5年，盛傳二人早年喺同一間健身室做Gym，經由鄭融介紹認識，曾相約跑步及行山，Edwin父親潘正洲集團業務主要從事房地產發展，Edwin於南加州大學取得碩士學位，畢業後擔任公司總監，不時出席品牌活動。