衛詩雅與黃又南有份主演影壇都市傳說嘅電影終於上映，呢日接受TVB娛樂新聞台《StarTalk》訪問，對於電影相隔8年上映，主播 王鎮泉 問到二人再睇呢個作品嘅感受，又南覺得好感觸，話生活同成個地球有好大轉變。
衛詩雅笑指唔記得拍過大尺度戲份，當佢帶老公入戲院睇嗰陣，忽然勾起印象，衛詩雅尷尬即掩住老公對眼，好似睇鬼片咁，叫老公唔好睇，點知佢老公喺度笑。講到電影題材同UFO有關，衛詩雅希望人生有機會見到一次UFO或外星人，仲分享用腦電波辨識外星人方法！
又南亦細訴同SHINE成員徐天佑拆夥因由，亦唔排除喺合適時間有機會再合體。又南話自己想專注喺電影上，而天佑想專心喺音樂方面，天佑自2019年提出想嘗試單飛發展，又指二人並冇不和，呢幾年比較少聯絡。
