消息由佢兒子 李泳漢 向傳媒公開，又指媽媽早前曾因嘔吐物入肺導致肺炎，本來以為母親情況穩定數日就可出院，豈料當日突然接到醫院通知，趕抵時母親已經離世。泳漢又指已通知爸爸李家鼎，鼎爺知道消息後非常震驚悲痛，難以接受噩耗。
施明2022年曾於家中跌倒撞及頭部情況嚴重，接受開腦手術後一度昏迷，留醫治理逾年後出院休養，佢甚後曾以奇蹟康復形容自己呢次經歷。不過李泳漢又提到，2024年時母親曾因尿道閉塞令細菌入血，當時導致多個器官衰竭，更一個月內接受3次開腦手術大步檻過。
施明早於上世紀70年代入讀電視台義員訓練班入行，早年因為混血美貌而成為標誌，亦因精通騎馬、柔道而以打女姿態入行，後來轉投TVB，曾參與《倚天屠龍記》、《真情》、《誓不低頭》等劇集。一直有傳施明有陰陽眼，故佢亦曾主持靈異節目。
據指初入行嘅施明因未愔人情世故曾遭欺負，後來得李家鼎護花，後發展成情侶至1977年成婚，婚後兩人育有孖仔泳漢、泳豪，可惜1994年因性格不合分道揚鑣，之後就逐步淡出。後來鼎爺曾公開希望復合，曾透過節目傳話予前妻。
雖然破鏡未能重圓，不過兩人一直保持姿好關係，唔少家庭聚會與公開活動，兩人都曾同時出現，更三代同堂拍攝全家福，可惜近年就因是非而見面大減，令人不勝唏噓。
