律政劇《正義女神》星期一起首播，一眾參與演出嘅包括 佘詩曼 譚耀文 陳煒 劉倬昕 馬貫東 黃庭鋒 蔣祖曼 周嘉洛 文頌嫻 同代已故父親 許紹雄 宣傳嘅 許惠菁 先後踏上紅地氈，與逼爆現場嘅觀眾一齊睇首播。
相隔22年再合作嘅阿佘同阿譚，兩人扮演一對法律界夫妻，繼當年阿譚離巢前合作《無名天使3D》後，今次再現TVB亦係同阿佘合作，令佢哋覺得緣份十足。雖然阿佘指當年角色潑辣，不過阿譚就大讚拍檔甜美，更後悔當年錯失好好溝通機會，今次就補返數大傾特傾喇。
陳煒與新生代演員阿Sam合作演一對母子，阿Sam於劇集起始扮演嘅惡魔少年，更成為觀眾談論話題。煒哥仲大讚阿Sam極有潛質同想法，希望阿Sam要更增添信心呀。
而Joman同家洛、阿Mark仲有Joey於劇中關係緊密，而劇外更成為好友，雖然性別大不同，不過就非常合拍，仲不時討論演出改進之處。
至於早前同 鍾柔美 傳出緋聞嘅 劉展霆 ，呢日亦首度就事件回應，佢指所謂嘅名貴情侶手鍊，係因為自己非常重視朋友所送嘅禮物，過往亦曾送手機予其他朋友。而 丘梓謙 劇中扮演Benz雄嘅囝囝，仲同前輩有唔少對手戲，呢日佢回憶當時演出，就指Benz不時講笑非常幽默，亦非常懷念對方。
《正義女神》星期一至五晚 20:30 翡翠台