「春天該很好你若尚在場」呢句歌詞今日於無數社交平台出現，原因都係為悼念離開咗大家23年嘅哥哥張國榮。
哥哥嘅摯愛 唐唐 唐鶴德 如常喺社交平台分享哥哥嘅舊照，並於帖文中寫道：「情懐如昨天🌹」；而曾與哥哥合作《倩女幽魂》、《東邪西毒》等電影嘅 王祖賢 ，則上載咗一條喺加拿大拍攝嘅影片，片中王祖賢去到溫哥華史丹利公園，粉絲為哥哥設立嘅紀念長椅悼念好友，佢喺片尾晒出多張同哥哥嘅劇照與合照，並以文字表示：「雖然一直沒有對你說什麼，但是滿滿的記憶都在心中。」
而哥哥生前嘅經理人 陳淑芬，就喺呢日與囝囝陳家豪、好友連炎輝、前助手 Kenneth 及譚明玉（羅文妹妹）等，聯同逾五百位來自香港、日本、韓國、新加坡、英國，以及內地各地嘅「哥」迷，到沙田寶福山拜祭哥哥。
陳太仲特別訂製以白色蝴蝶蘭配襯蝴蝶背景的花飾送畀哥哥，寄寓佢同全球「哥」迷對哥哥嘅約定與祝福。而各地「哥」迷亦紛紛送上佢哋嘅心意，當中日本「哥」迷，就一如以往親手摺製千羽鶴，帶到嚟香港送畀「哥哥」。去年6月第一屆仁川國際民俗電影節，韓國「哥」迷則將哥哥於2025年第一屆仁川國際民俗電影節，憑《霸王別姬》而榮獲最佳男主角獎嘅獎牌帶到嚟香港獻予哥哥，並轉交由陳太代為保存。當時仁川國際民俗電影節特別邀請韓國「哥」迷代表上台代領獎項。
今年9月12日你哥哥嘅七十歲誕辰，早喺兩年前已經有唔少fans向陳太提出，希望為哥哥籌辦七十誕辰紀念活動，亦有唔少人建議建立一個長久嘅張國榮紀念館，以及為張國榮樹立銅像等。為實現「哥」迷心願，陳太宣布將舉行一系列《繼續寵愛．張國榮70誕辰．紀念活動》，詳情將於稍後公布。
同時，陳太亦透露籌備多時嘅社企項目《FUN SPACE》即將啟動，佢感謝好友張叔平出手相助，親自操刀整體設計。將以社會企業模式營運嘅《FUN SPACE》，當中嘅《FUN CAFE》係為延續哥哥請「哥」迷飲咖啡嘅心願；而《FUN EXHIBITION》則會展出陳太從事演藝工作多年嘅珍藏回憶，包括與哥哥相關嘅寶貴藏品。
此社會企業嘅收入喺扣除營運開支後，將用於實現「哥」迷嘅共同心願 — 建立一個比較長久嘅張國榮紀念館，以及為「哥哥」張國榮樹立銅像。
