黎明LeonLai一連十場紅館騷圖滿落幕，尾場吸引容祖兒JoeyYung、蔡卓妍CharleneChoi、雲皓影Cloud等嚟睇騷，今次係Leon入行四十周年演唱會，為粉絲送上連串歌曲全部都耳熟能詳，好似《越夜越有機》、《眼晴想旅行》、《Sugar In The Marmalade》都係明迷嘅集體回憶之列。
除咗快歌之外，Leon嘅情歌流傳至今亦都好受歡迎，喺台下嘅Joey同阿Sa聽到《傻痴痴》時，即雀躍起身揮動蘿蔔手燈跟住伴唱，仲有好多首經典情歌都都令台下嘅樂迷聽得好陶醉，包括《愛情影畫戲》、《愛比我重要》、《一夜傾情》、《無名份的浪漫》等。
眾多歌手開騷到尾場都會特別不捨感慨，出名係金句王嘅Leon喺演唱會落幕時拒絕感性道別，反而選擇用自己嘅方式同明迷Say Goodbye，Leon話：「肉麻說話我就唔講，Good Luck，我知道好多人聽日都會返工，遇到任何問題開心面對，就快夏天、回南天、落雨天，望住紅蘿蔔提醒自己食維生素啦。」
