羅啟豪Ramon 同 戴祖儀Joey 雖然係同公司，不過二人一直未有合作機會，今次佢哋終於可以同台演出。Joey大讚Ramon嘅fans相當熱情，提供到好大嘅情緒價值，佢話同Ramon一齊工作可以享受埋呢個福利，加上Ramon本人又溫柔，令佢好開心呀。
Joey呢頭讚完Ramon，點解轉頭Ramon就直踩雷區，話自己細細個就聽Joey啲歌同睇對方嘅演出，搞到Joey O晒嘴，仲話要收返啱啱講嘅讚美。
話晒都係首次同台，Ramon就話喺台上已經諗好，如果要同Joey搞個組合嘅話，英文名叫「RJ」，而中文名就係「戴羅」呀。二人喺音樂上各有風格同特色，不過如果要合作嘅話，Joey就表示想以舒情、感情方面，因為一男一女訴說情感故事會強啲，所以佢偏向唱情歌呀。
