桂綸鎂 夥拍奧斯卡影帝 西島秀俊 主演話題作電影，演繹出一段跨文化婚姻及兒童綁架案，繼而揭開伴侶間親密關係中常見嘅猜忌同逃避心理。
小鎂今次挑戰飾演壓抑人妻，想追求藝術事業嘅理想，卻被家人撥冷水唔支持，之後又因為失去兒子，令佢壓抑到崩潰，戲中小鎂呈現多層次嘅豐富情緒，而不受家人支持一幕，亦令小鎂聯想到初入行時亦遭受過家人反對。
對於今次跟西島秀俊合演，小鎂大讚對方畀到佢滿滿嘅安全感，演對手戲時自然就被西島秀俊帶動著，呈現出自己都驚訝嘅演技。
飾演沉迷於廢墟研究學者嘅西島秀俊，喺追查兒子下落過程中，因情緒失控同神祕男子展開激烈肢體衝突。導演想呈現兩個不擅長打交嘅男人，喺極端情緒下嘅本能反應，於是西島秀俊刻意收起敏捷身手，同對方笨拙扭打，用一Take完美演繹打鬥場面。
