阮浩棕聯同中聲唱將，以TVB義工隊身份參加植樹活動，雖然喺潮濕天氣底下，要一早行上山植樹，但仍無阻大家嘅士氣，眾人都非常投入。阿Nic身上着住義工隊制服，原來係得到不易，因為阿Nic一直積極參與公司義工隊活動，久而久之先可以獲得專有制服。
阿Nic喺之前探訪活動中任司儀，佢指因為自己係喺兒童節目主持出身，所以都享受司儀工作，另外，佢都鍾意拍劇，因為又會得到另一種樂趣。
玩音樂嘅人都慣咗三點不露，今次植樹要晨早起身，一班中聲唱將都唔敢遲到，唯獨 陸東成 遲到一分鐘，即成唱將好友嘅眾矢之的， 善玥澄 笑言一直擔心東城，所以不時打電話關心對方位置，而 阮慧珊 就拍咗一條全車人呆等片轉發畀東城，令對方嚇咗一跳。 梁浩賢 話此事令大家明白出席活動要準時，旁邊嘅 沈宗賢 同 陳芊芸 都話一定要早到先安心。
