新劇《正義女神》入面，除咗有前輩佘詩曼CharmaineSheh、許紹雄BenzHui、譚耀文PatrickTam、陳煒AliceChan等一眾好戲嘅前輩帶領，其實劇中不同個案飾青少年罪嘅演員今次均演得好好，備受關注。
日前其中一個故事「離島三害案」，講述新晉演員蔡景行KingHang、劉頌鵬EnsonLau同劉俊亨noahlch，因一時貪念對友人林智樂FelixLam作出欺凌，最後竟然郁手殺害對方，更大擔挖地埋屍，林智樂整個人被活埋泥土之中，睇見都唔容易做。
《正義女神》星期一至五晚 20:30 翡翠台
蔡景行將拍攝呢個畫面時嘅點滴擺上網分享，讚揚Felix為咗拍攝呢場戲有幾咁辛苦，希望大家睇到佢嘅努力，仲講笑話好得意，佢真係俾人活埋。唔少網民睇見都覺得驚人，就連Felix都要求行仔傳返呢個畫面俾佢，行仔則講笑話打算自己珍藏。
另外，喺劇中飾演法官嘅黃建東Derek Wong亦出Po表示好榮幸同譚耀文合作，仲話自揭喺2012年拍緊古裝《瘋狂歷史補習社》時，曾經被葉玉卿喺化妝間誤以為係譚耀文，一直好喜歡譚哥嘅戲好似《縱橫四海》同《笨小孩》等，亦喜歡佢嘅歌好似《烽火情天》，如今可以同譚哥合作簡直係夢寐以求，分享兩人及劇組嘅合照。
