蘇永康 月底將再於高雄舉行個人演唱會，而下月又會偕好兄弟 許志安 張衛健 同 梁漢文 合體開騷，不過近日佢心頭最重要嘅就並非常練歌綵排，而係同結婚11年嘅名牌高層太太 馮翠珊 慶祝50歲生日。
社交平台中可見今日生日嘅Anita生日派對相片，壽星女身穿透視裝現身，同老公囝囝一齊現身，多位圈中老友出席星光熠熠，陳奕迅、歡哥黃子華同V姐鄭秀文、BIG FOUR成員張衛健同梁漢文、蔡一智、、劉浩龍、Yumiko、近日由英國返港嘅雷頌德夫婦、車婉婉一家三口、周汶錡、梅艷芳前經理人 王敏慧 等等，非常熱鬧。
Anita於網上分享多張圖片，又寫到：「五十年，眨吓眼就過。半世界的故事，最精彩的章節，除了家人就是同您們一齊度過。感謝每一位朋友的出席和祝福，有您哋先係最圓滿嘅生日。」
而阿公就祝福老婆話：「Happy birthday my dear wife ❤️希望您身體健康⋯也感謝您一直相扶同行。今晚將會是我們其中一份好重要的回憶⋯⋯」
